15, ఫిబ్రవరి 2016, సోమవారం

ఎదిగిన స్నేహం

ఎదిగిన స్నేహం 



కొత్త పరిచయాలతో కొంగొత్త పరిమళాలు విరజిమ్ముతూ

నీ ముందు నిలిచింది నీ B.Tech స్నేహం

పరిణితి వచ్చాక ప్రతి మనిషిని తాకే సంద్రపు కెరటం

అందుకే చాలా మంది జీవితాలలో ఈ సమయంలో జరిగే స్నేహం శాశ్వతం

ఆలోచనలకు అక్షయపాత్ర ఈ వయసు

అనేక కార్యాలకు ఉరకలు వేసే మనసు

దానికి మంచి ఏదో చెడు ఏదో తెలుసు

అయినా తప్పటడుగులు వేయమని మనసు ఎగసు

ఇలాంటి సమయం లోనే అవసరం రా నేస్తం

నీకు మంచిచెడల వ్యత్యాసం తెలియజెప్పే తేజం

నీ మనసు తెలుసుకుని నడుచుకునే తత్త్వం

నీ క్షేమం కోసమే ఆరాటపడతాడు నిత్యం

నీ తప్పులను వాటి వెనక చెప్పుడు ఆలోచనలను గ్రహించి

నిన్ను నిన్ను గా స్వీకరించే సత్యం

అటువంటి స్నేహం దొరకడం

ఎడారి లో ఒయాసిస్ దొరకడమే

కాని దొరికితే మాత్రం నీ జీవితం

వెనుదిరగని విజయ యాత్ర నే !!          

25, జూన్ 2015, గురువారం

Haayi

 హాయి

చల్లని చిరుగాలి చక్కిళ్ల ను కొంటెగా తడిమి 
చక్కిలిగింతలు పెడుతుంటే  
చీకటి తో కమ్ముకుపోయిన ఆకసంలోంచి 
తొంగి చూస్తున్నచల్లని చంద్రుడి వెలుగులో
గాలి తనని తాకినా ప్రతి సారి అలజడి రేపుతూ 
ఊగుతున్న పచ్చని తరువుల మధ్య 
ఇళయరాజా పాటలు మెల్లగా అతి మధురంగా 
వినిపిస్తూ చెవులకు విందులు చేస్తూ 
ఆ రేయిని ఇంకా అందంగా అందిస్తుంటే 
మనసుకు దగ్గరైన మనుషులతో మంతనాలేస్తూ 
వేడి అన్నం, పప్పు, నెయ్యి తో విందు చేస్తుంటే 
ఆహ ! ఆ హాయిని ఎవరు కాదంటారు ? 

16, జనవరి 2015, శుక్రవారం

Chemistry

కెమిస్ట్రీ 



Chemistry......

నా బుర్రకు ఇదో పెద్ద మిస్టరీ

చూస్తేనే దానిలోని కాన్సెప్ట్స్

 పోతుంది  నాలోని కాంఫిడెన్స్ !





నా బుర్ర దీన్నో వైరస్  లా ఫీలయ్యి

ఎన్ని సార్లు కనెక్ట్ చేసిన accept చెయ్యట్లే 

  Unrecognised డిస్క్ అని వస్తుందే తప్ప

 బుర్రలోకి ఒక్క కాన్సెప్ట్ కూడా కాపీ అవ్వట్లే. 


దీని పుణ్యాన పోయాయి మార్క్స్ 
 తీసుకున్నారు నాకు ఇంట్లో క్లాస్ 
దీని వల్ల పోయింది క్లాస్ లో నాపై ఇంప్రెషన్  
అందుకే నాకు ఇదంటే టెన్షన్ .

 



ఒక Atom లో ఎమున్టాయో తెలుసుకుని నేనేం చెయ్యను ?
ఒక Molecule ఎలా తయారవుతుందో నాకెందుకు ?

నిజ జీవితం లో ఎక్కడని వాడను  ఈ సంగతుల్ని ?

  "నువ్వు Carbon నేను Oxygen

 మనది సులువుగా విడదీయని కాంబినేషన్ "

అని ఏ అబ్బాయైన అమ్మాయితో అంటే

  "మన Combination వల్ల అవుతుంది చాలా మందికి Suffocation 

ఇలాంటి చెత్త కవితలు చెప్పి పుట్టించకు నాకు Irritation
"అని రివర్స్ పంచ్ కొడితే అంతే !!
దీని గురించి తెలుసుకుంటే ఎవరికేమోస్తుందో తెలీదు కాని నాకు మాత్రం తలనొప్పొస్తుంది అది నా ఆరోగ్యానికి హాని !!













7, జనవరి 2015, బుధవారం

Gelupu

గెలుపు

చిమ్మ చీకటిలో చంద్రుని వెలుగులా 

మండిపోతున్న ఎండల్లో చల్లని పిల్ల గాలి లా 

కుంభిస్తున్న వర్షం లో వేడి వేడి బజ్జీల్లా 

బాధలో ఉన్న హృదయానికి  తీయని సంగీతం లా

ఓటమి కౌగిట్లో చిక్కుకున్న నా మనసున  చిన్న ఆశ. 




ఆ ఆశే నన్ను ప్రతి అడుగు నడిపిస్తుంది

నా శ్వాసై నను ప్రతి అడుగు నడిపిస్తుంది 

ప్రతి ఓటమి నాకో పాఠమవ్వాలి

ఆ పాఠమే నా గెలుపుకు త్రోవ చూపాలి . 



ప్రయత్నమనే కొవ్వత్తి కి 


ఇస్తేనే పట్టుదల అనే అగ్గిపుల్ల తో నిప్పు 


వెలువడుతుంది వెలుగు 


దాని పేరే గెలుపు . 





నాకు తెలుసు ఇవి నోటితో పలకడానికి 

కవితగా రాయడానికి చాలా సులభంగా ఉంటాయని 


ఆచరణే కష్టమని 


కానీ నా జీవితం అను చీకటి లోకి 


గెలుపు  అనే వెలుగును తీసుకురావడానికి 


దేనికైనా సిద్ధమే 


నా పట్టుదలకు ఆ గెలుపే కైవసమవ్వాలి 

నా జీవితాన్ని వెలుగుతో జ్వలింపచేయాలి.  










KALA (Dream)

కల 


ఎప్పుడూ  అనుకునే  నా  కల 

కళ్ళముందు  కనిపిస్తుంది  నేడిలా 

కానీ  కలగానే   కనిపించే  ఈ  కళ 

ఎన్నడు  వరిస్తుందో  నన్నిలా  

తలుచుకుంటే  ఆ  కల 

పులకరిస్తుంది  ఒళ్లిలా 

నిజమైతే  ఆ  కల 

నా  సంతోషానికి  అవధులేల ??

ఇది నా కల 

మరి  మీకూ  ఉందా  ఇలాంటి  ఓ  కల ?

ఉంటె సాకారం చేసుకోవడానికి ప్రయత్నించండి 

మీరు  నాలా !!

:)  ;) :P 

12, ఏప్రిల్ 2014, శనివారం

Spoorthy's character

స్ఫూర్తి అన్న పేరుకు జనరల్ గా  ఉన్న ఇమేజ్
డీసెంట్ ఇనొసెంట్ క్యూట్ అండ్ కామ్
కానీ నీ అసలు ఇమేజ్ కి మాత్రం
వాళ్ళూహించలేరు మొదలు తుదలు


లేచిన దగ్గర్నుంచీ మొదలు
అల్లరి ఆటలు గెలుక్కునే చేతలు
చీటికీ మాటకీ "అమ్మా!" నాదాలు
ఆ తరువాత "ఊరికేనే!" సమాధానాలు
మూడొస్తే చాలు అమ్మదగ్గర ముద్దులు
అలకొస్తే చాలు అందరితో గుద్దులు
ఇంటిల్లిపాది కలిసి అరిచే పాటలు
చెల్లెలితో పాటు మధ్య మధ్యలో గెంతులు
ఫొనోస్తే చాలు ఏ బుక్కో చూడకుండా గీతలు
లావై పోతున్నానంటూ మధ్య మధ్య లో complaint లు

చిన్న సంతోషానికే విరజాజులు వికసించే చిరునవ్వులు
చిన్న దు:ఖానికే వెలుగింట్లో కరెంటు పోయిన లుక్కు
చిన్న కోపానికే మందారంలా ఎరుపెక్కె ముక్కు
చిన్న జగడానికే ఆకాశమంత అలక 


వెనకడుగు అనే పదాన్ని మరచి
introvert మనస్తత్వాన్ని విడచి
సవాళ్లపై సవాళ్ళు గెలిచి
చెలరేగి దూసుకుపోతున్నావు చీల్చి 


కొత్తగా కళ కనిపించిందా కంటికి
నేర్చుకోవాలని ఉవ్విళ్ళూరుతుంది మనసుగంటగంటకీ
నిండా పట్టించుకోవాలంటావు దాన్ని నీ వంటికీ
నైపుణ్యం సాధించేదాకా నిద్ర పట్టదు ఆ కంటికి  


మాటలు వరదలా పారినా
పాటలు గల గలా పొంగినా
ఆటలు ఆగడాలు ఓ ఊపు ఊపిన
ఆది నీవె నని తెలుసు 


నువ్వు throw ball వేసావా
అవతలి వాడు out of court
నువ్వు మైకు నొక్కావా
జడ్జే వచ్చి పట్టం కట్టు
నువ్వు కుంచె పట్టావా
పికాసో లాంటి వారు కుంచె ముట్టరు , ఒట్టు !
నువ్వు మెహెంది పెట్టావా
పెళ్లికూతురికన్నా చేతులపైనే ఉంటుంది అందరి దృష్టి ఎట్టూ !


ఇలాగే దూసుకు పోతూ శ్రేష్ఠ అక్కవనిపించుకుంటావని నాకు తెలుసు !! ఆ పని ఏదో  తొందరగా చెయ్యి , నాకూ ఊతగా ఉంటుంది ....  


                                                                                                                                                                   

4, ఏప్రిల్ 2014, శుక్రవారం

Yedhi Yedhi

ఏది ఏది అనే పాటకు సాహిత్యం  మార్చి మా అమ్మ పుట్టినరోజుకు బహుకరించాను . అదే ఈ పాట ....... 

చిత్రం :  ఎటో వెళ్ళిపోయింది మనసు 

పల్లవి :

ఏది ఏది దాచేది ఏది నీతో 
ఏది ఏది తీర్చంది ఏది మాకై 

నవ్వేస్తూ నవ్విస్తూ అపుడపుడు కసిరేస్తూ 
నువ్వే మా లోకం అయినావే 

చరణం :

నువ్వేగా అమ్మ నాలోని ప్రాణం చాలా కాలంగా 
నీతోనే కాదా నా ప్రతి సంతోషం ఇంకా అందంగా 

నీ మాటే లాలీ పాటయ్యి లాలించదా నన్నిలాగా 
నాతోనే నువ్విక ఉంటె 
నా గెలుపే తథ్యంగ 
నీ తలపే నిత్యంగా 
నేనిలా నీ సర్వస్వం ఐనాగా 

                                                                               ॥ ఏది ఏది ॥ 

చరణం :  

నీ తోడే నాకు నా బాట చూపె 
చాలా స్పష్టంగా 
నీ నవ్వే నాకు వెన్నెలలందించే 
చాలా అందంగా 
నీకంటూ లేదే ఏ ఆశ 
మా మీదే నీ ధ్యాస 
అనురాగం పంచేటి నీ చూపుతో 
బాధల్నే మరిపించి అందంగా మురిపించే 
అమ్మే మా ప్రాణంగా